Letique Cosmetics -ის არომატული და ჯადოსნური ტანის სკრაბი

მიყვარს თავის მოვლა. ვის არ უყვარს?!

კარგი და ხარისხიანი პროდუქტისა და პროცედურის დატესტვა - ჩემი სისუსტეა.

ამჯერად, მინდა გიამბოთ 100%-ით ბუნებრივ კომპონენტებზე დამზადებულ ტანის შოკოლადისა და ნუშის სკრაბზე, რომელიც ჩემი სუპერ აღმოჩენა გახდა.

რადგან სულ ვვარჯიშობ, ეს მე ხელს მიწყობს, რომ კანის ელასტიური სტრუქტურა შევინარჩუნო. თუმცა, როცა რუჯი ზაფხულიდან - ზაფხულამდე მაქვს, შესაბამისად, კანის განსაკუთრებული მოვლა მჭირდება. ამ სიტუაციიდან გამოსავალი სხეულის ყოველდღიური დატენიანება და კვირაში 2-ჯერ ხარისხიანი სკრაბის გამოყენებაა.

Letique Cosmetics - ის შოკოლადისა და ნუშის ტანის სკრაბმა ჩემს მოლოდინს გადააჭარბა, სხეული კიდევ მეტად დამირბილა და 24 საათის მანძილზე სრულიად დამიტენიანა.

პროდუქტი შედგება, კაკაოს, კაკლისა და ნუშის ზეთებისგან, მასში ჭარბად არის ვიტამინი E, ეს ვიტამინის თავის მხრივ, კანს საგრძნობლად ჭიმავს და ხშირად სტრიების საწინააღმდეგოდ ბრძოლის არაჩვეულებრივი მიგნებაა. ის მზისგან გამომშრალ სტრუქტურას სრულად აღადგენს და შიგნიდან კვებავს.

პროდუქტი ნოტიო სხეულზე ძალიან მარტივად ზედმეტი ჭიდაობის გარეშე ნაწილდება. მისი ჩამობანის შედეგად კი კანი მკვდარი უჯრედებისგან თავისუფლდება, ხდება ძალიან ელასტიური და გლუვი. ჩემთვის, რაც ყველაზე მნიშვნელოვანია არის ის, რომ თავის მოვლის აღნიშნული საშუალება 100 % -ით ბიო პროდუქტია და მისი ზღაპრული ეფექტიც პირველი წასმიდანვე იგრძნობა.

ყველას ვურჩევ, ძალიან მომეწონა და თუ სხეულის ღრმა დატენიანება გსურთ, აუცილებლად შეიძინეთ!